ހުޅުމާލޭގައި އާންމުންގެ މީހަކަށާއި ފުލުހަކަށް ވަޅިން ހަމަލާދޭން އުޅެފި

ހުޅުމާލޭގައި އާންމުންގެ މީހަކަށާއި ފުލުހަކަށް ތޫނު އެއްޗެއް ބޭނުންކޮށްގެން ހަމަލާދޭން އުޅުނު މީހަކު ހައްޔަރުކޮށްފި އެވެ.

ފުލުހުން މިއަދު ބުނީ ހުޅުމާލެ ފޭސް 1 ގައި ތޫނު އެއްޗެއް ބޭނުންކޮށްގެން މީހަކަށް ހަމަލާދޭން އުޅުނު ކަމުގެ ތުހުމަތުގައި 33 އަހަރުގެ ދިވެހި ފިރިހެނަކު މިއަދު 18:30 ހާއިރު ހައްޔަރުކޮށްފައިވާ ކަމަށެވެ.

އެގޮތުން އެވަގުތު އެމީހާ ހުއްޓުވަން އުޅުނު ފުލުހަކަށް ވެސް ތޫނު އެއްޗެއް ބޭނުންކޮށްގެން ހަމަލާދޭން އެމީހާ މަސައްކަތްކުރި ކަމަށް ފުލުހުން ވަނީ ބުނެފައި އެވެ.

މި މައްސަލަ ފުލުހުން ދަނީ އިތުރަށް ތަހުގީގު ކުރަމުންނެވެ.

މިކަމާއި ގުޅުންހުރި ވީޑިއޯއެއް މިހާރު މީސްމީޑިއާގައި ދައުރު ވަމުންދާއިރު އެވީޑިއޯއިން ފެންނަ ގޮތުގައި އެމީހާ ފުލުހުން ހައްޔަރުކުރުމާއި އެކު އޭނާއަކީ ނަފްސާނީ މައްސަލަ ހުންނަ މީހެއް ކަމަށް އޭނާ ވަނީ އަމިއްލައަށް ބުނެފައި އެެވެ.