ރަސްމީ ދަތުރުފުޅެއްގައި މިނިސްޓަރު ހަލީލު އިންޑޮނޭޝިއާއަށް!

ރާއްޖޭގެ ހެލްތު މިނިސްޓަރު ޑރ އަބްދުالله ހަލީލް ރަސްމީ ދަތުރުފުޅެއްގައި އިންޑޮނޭޝިއާއަށް ވަޑައިގެންފި އެވެ.

ހެލްތު މިނިސްޓްރީން މައުލޫމާތު ދޭގޮތުގައި ހަލީލު އިންޑޮނޭޝިއާއަށް ވަޑައިގެންނެވީ އެގައުމުގައ ބާއްވާ އޭޝިއާ ޕެސިފިކް ރީޖަނަލް ފޯރަމް އޮން ހެލްތު އެންޑް އެންވަރަމެންޓުގައި ރާއްޖެ ތަމްސީލު ކުރެއްވުމަކަށެވެ.

އެގޮތުން މި ބައްދަލުވުން ކުރިޔަށްދާނީ މިއަދުން ފެށިގެން މިމަހުގެ 28 ވަނަ ދުވަހަށް އިންޑޮނޭޝިއާގެ ވެރިރަށް ޖަކާޓާގައި އެވެ.

މި ބައްދަލުވުމުގައި ރާއްޖޭގެ ޢާންމު ޞިއްޙަތު ކުރިއެރުވުމަށްޓަކައި ތިމާވެށީގެ ޞިއްޙަތުގެ ސްޓްރެޓެޖީތައް އެކުލަވައިލުމަށް މިނިސްޓަރު ހަލީލް އިސްކަންދެއްވާނޭ ކަމަށް މިނިސްޓްރީން ބުނެއެވެ.