ގައްދޫ ކައުންސިލް ފުޓްސަލް ޗެލެންޖުގެ މީޑިއާ ޕާޓްނަރަކަށް ގާފު އޮންލައިން!
އަހުމަދު ޝުރާއު
12/5/2022, 8:00:17 AM
gaafu og
މިމަހުގެ ފަހު ކޮޅު ގައްދޫގައި ފަށާ ގައްދޫ ކައުންސިލް ފުޓްސަލް ޗެލެންޖުގެ އޮންލައިން މީޑިއާ ޕާޓްނަރަކަށް ގާފު އޮންލައިން ހަމަޖައްސައިފި އެވެ.
މި މުބާރާތުގެ މީޑިއާ ޕާޓްނަރަކަށް ގާފު އޮންލައިން ހަމަޖެއްސީ މިއަދުގެ ވަގުތެއްގައި އެވެ. މި އެއްބަސްވުމާއި އެކު މި މުބާރާތުގައި ހަބަރުތަކާއި އެހެނިހެން މަލްޑިމީޑިއާ މެޓީރިއަލްތަށް ގާފު އޮންލައިންގެ ވެބްސައިޓުން ކިޔާލެވޭނެ އެވެ. އެގޮތުން މުބާރާތް ފެށުމާއި ހަމައަށާއި މުބާރާތުގައި ކުޅޭ ހުރިހާ މެޗެއްގެ ހަބަރުތަށް އެންމެ ތާޒާކަމާއި އެކު ވަގުތުން ގެނެސްދިނުމަށް ވަނީ ނިންމާފައެވެ. މި މުބާރާތުގެ ހަބަރުތަކުގެ އިތުރުން މި މުބާރާތުގެ އެހެނިހެން ޕްރޮމޯޝަނަލް މަސައްކަތްވެސް ކުރަން ނިންމާފައިވަނީ ގާފު އޮންލައިންނުންނެވެ.
ގައްދޫ ކައުންސިލް ފުޓްސަލް ޗެލެންޖު ބޭއްވުމަށް ތައްޔާރުވަމުން އަންނަނި މިމަހުގެ 22 ވަނަ ދުވަހު ފެށުމަށެވެ. މި މުބާރާތަކީ ދެ ޖިންސުގެ ފަރާތްތަކަށްވެސް ހުޅުވާލައިގެން ބާއްވާ މުބާރާތެކެވެ.
މި މުބާރާތް ކުރިޔަށްދާނީ ގައްދޫ ފުޓްސަލް ގްރައުންޑުގައި އެވެ.
މި މުބާރާތުގެ މެއިން ސްޕޮންސަރަކަށް ހަމަޖައްސާފައިވަނީ ރާއްޖޭގައި ހުންނަ ސައުދީ އެމްބަސީއެވެ.