ރަސްމާދޫ ގޮނޑުދޮށް ހިމާޔަތްކުރުމަށް އެމްޓީސީސީއާ ހަވާލުކޮށްފި
އަލްފާ އަލީ
11/28/2022, 6:48:33 PM
rasmaadhoo
ރ. ރަސްމާދޫ ދެކުނުފަރާތު ގޮނޑުދޮށް ހިމާޔަތްކުރުމަށް ޕްލޭނިންގ މިނިސްޓްރީން އެމްޓީސީސީއާ ހަވާލުކޮށްފި އެވެ.
މިނިސްޓްރީ އޮފް ނެޝަނަލް ޕްލޭނިން ހައުސިން އެންޑް އިންފްރާސްޓްރަކްޗަރގައި ބޭއްވި ރަސްމިއްޔާތެއްގައި މިކަމާއި ގުޅޭ އެއްބަސްވުމުގައި އެ މިނިސްޓްރީގެ ފަރާތުން ސޮއިކުރެއްވީ ޑިރެކްޓަރ ޖެނެރަލް ޝާނާ ފަރޫޤްއެވެ. އަދި އެމްޓީސީސީގެ ފަރާތުން ސޮއިކުރެއްވީ ކުންފުނީގެ ސީއީއޯ އާދަމް އާޒިމްއެވެ.
މި މަޝްރޫޢުގެ ދަށުން، 157 މީޓަރުގެ ސަރަޙައްދެއްގައި ރިވެޓްމެންޓް ޖެހުމާއި، 283 މީޓަރުގެ ސަރަޙައްދެއްގައި ގްރޮއިން ޖެހުމާއި، 2500 ކިއުބިކް މީޓަރުގެ ވެލި ގޮނޑުދޮށަށް އެޅުމުގެ މަސައްކަތް ކުރިއަށް ގެންދާނެއެވެ.
ރަސްމާދޫގެ ގޮނޑުދޮށް ޙިމާޔާތްކުރުމުގެ މަޝްރޫއު ހަވާލުކޮށްފައިވަނީ 88 މިލިއަން ރުފިޔާއަށް، 7މަސް ދުވަހުގެ ތެރޭގައި ނިންމާގޮތަށެވެ.
އެމްޓީސީސީން ވަނީ ރަސްމާދޫ އުތުރު ފަރާތު ގޮނޑުދޮށް ހިމާޔަތްކުރުމުގެ މަސައްކަތްވެސް ސެޕްޓެމްބަރު މަހު ނިންމާލާފައެވެ.