ރައީސްގެ ހާއްސަ ސިޓީފުޅަކާ އެކު ޝާހިދު ޔޫއޭއީއަށް!

ރައީސް އިބްރާހިމް މުހައްމަދު ސޯލިހްގެ ހާއްސަ ސިޓީފުޅަކާ އެއްކޮށް، ފޮރިން މިނިސްޓަރު އަބްދުﷲ ޝާހިދު ޔުނައިޓެޑް އަރަބް އެމިރޭޓްސް (ޔޫއޭއީ) ޔޫއޭއީއަށް ވަޑައިގެންފި އެވެ.

ޝާހިދު ޔޫއޭއީއަށް ވަޑައިގެންނެވީ ރައީސް އިބްރާހިމް މުހައްމަދު ސޯލިހުގެ ޚާއްސަ މަންދޫބެއްގެެ ގޮތުގައި އެމަނިކުފާނުގެ ސިޓީފުޅެއް ޔޫއޭއީގެ ރައީސް ޝައިޚް މުޙައްމަދު ބިން ޒައިދު އަލް ނަޙްޔާނަށް އެރުވުމަށެވެ.

ޝާހިދު ޔޫއޭއީއަށް ވަޑައިގެން އެސިޓީފުޅު ވަނީ އެޤައުމުގެ ފޮރިން މިނިސްޓަރ ޝައިޚް ޢަބްދުﷲ ބިން ޒައިދު އަލް ނަޙްޔާން އާއި ހަވާލުކުރައްވާފައެވެ. އެ ސިޓީފުޅުގެ ތަފްސީލެއް ދިވެހި ސަރުކާރުން އަދި ހާމައެއް ނުކުރެ އެވެ.

ރާއްޖެއިން ޔޫއޭއީއާ ގާތް ގުޅުމެއް ދަނީ ބާއްވަމުންނެވެ. ޔޫއޭއީގެ އެންމެ ފަހުން ރައީސަކަށް ހުންނެވި ޒާޔިދު އަލް ނަހްޔާން އަވަހާރަވުމުން ވެސް އެމަނިކުފާނުގެ ޖަނާޒާގައި ރައީސް ބައިވެރިވެ ވަޑައިގަތެވެ. އަދި އާ ރައީސްއާ އެންމެ ފުރަތަމަ ބައްދަލުކުރި އެހެން ގައުމުތަކުގެ ވެރިން ތެރޭގައި ވެސް ރާއްޖޭގެ ރައީސް ހިމެނިވަޑައިގަތެވެ.