photo_2022-11-10_01-17-25
މާލޭގައި މިރޭ ހިނގި އަލިފާނުގެ ހާދިސާގައި ބިދޭސީ އަންހެނަކު ނިޔާވެއްޖެއެވެ.
އެމީހާ ނިޔާވެފައި އޮއްވާ ފެނުނީ އަލިފާން ރޯވި އިމާރާތުގެ 2 ވަނަ ފަންގިފިލާއިންނެވެ. އެއީ ބިދޭސީން ދިރިއުޅެމުންދާ ތަނެއްކަމަށް މައުލޫމާތުލިބެއެވެ.
އޭނާގެ ހަށިގަނޑު ވަނީ ހޮސްޕިޓަލަށް ގެންގޮސްފައެވެ. މައުލޫމާތު ލިބޭ ގޮތުގައި އިތުރު މީހަކުވެސް ވަނީ ހޮސްޕިޓަލަށް ގެންގޮސްފަވެއެވެ.
މިރޭ 12:30 ހާއިރު ރޯވެފައި ވަނީ މާލޭގެ އިސްކަންދަރު މަގާއި ކޯރުކެނޑި މަގާއި ގުޅޭ ކަންމަތީގައި ހުރި ގަރާޖެއްގައެވެ. އަލިފާންގަޑު ކޮންޓްރޯލް ކުރެވުނީ 2:00 އެހާކަންއިރުގައެވެ. ނަމަވެސް އެ ސަަރަހައްދުން އަދިވެސް ދުން އަރަމުންދާ ކަމަށް މައުލޫމާތު ލިބެެއެެވެ.