ނިރުބަވެރި ޖަމާއަތްތަކުގެ ލިސްޓު މުރާޖައާ ކުރުމަށް ފަހު އާންމުކޮށްފި
ފަތުހުالله ޔާމީން ސައީދު
10/3/2022, 3:17:15 PM
b_RZtgkY6Y7C1kZZa9xLC6PuLXI
ނިރުބަވެރި، ހަނގުރާމަވެރި ޖަމާއަތްްތަކުގެ ލިސްޓު އަލުން މުރާޖައާ ކުރުމަށް ފަހު އާންމުކޮށްފިއެވެ.
ރައީސުލްޖުމްހޫރިއްޔާގެ އޮފީހުން އިއްޔެ ކުރި އިއުލާނެއްގައި ވިދާޅުވެފައި ވަނީ، "ޓެރަރިޒަމް މަނާކުރުމުގެ ގާނޫނު" ގެ 18 ވަނަ މާއްދާގެ (ހ) ގެ ދަށުން، ގައުމީ ސަލާމަތާބެހޭ މަޖިލީހުގެ މަޖިލީހުގެ މަޝްވަރާގެ މަތިން، ޓެރަރިސްޓް ޖަމާއަތްތަކާއި ހަނގުރާމަވެރި ސަރަޙައްދުތަކުގެ ލިސްޓު އެންމެ ފަހުން ރައީސުލްޖުމްހޫރިއްޔާ ކަނޑައަޅުއްވާފައި ވަނީ، މިދިޔަ އަހަރުގެ އޮކްޓޯބަރު ތިން ވަނަ ދުވަހު ކަމަށެވެ.
ރައީސް އޮފީހުން އާންމުކުރި ލިސްޓުގައި ވަނީ ޓެރަރިސްޓް ޖަމާއަތްތަކާއި ހަނގުރާމަވެރި ސަރަހައްދުތަކުގެ ލިސްޓުގައިވާ ޓެރަރިސްޓް ޖަމާއަތްތައް ހިންގުމަށް ބޭނުންކުރާ އެހެނިހެން ނަންތަކާއި، އެ ޖަމާއަތެއް ޓެރަރިސްޓު ޖަމާއަތެއްގެ ގޮތުގައި ކަނޑައެޅުނު ތާރީޚު ހިމެނޭގޮތަށް މުރާޖައާކޮށްފައެވެ.
މި ލިސްޓުގައި ނިރުބުވެރި ޖަމާއަތްތަކުގެ ގޮތުގައި 19 ޖަމާއަތެއް ފާހަފަކޮށްފައި ވެއެވެ. އަދި ހަނގުރާމަވެރި ސަރަހައްދުތަކުގެ ގޮތުގައި ސީރިއާގެ ހުރިހާ ސަރަހައްދެއް ވަނީ ފާހަގަކޮށްފައެވެ.