މިފްކޯއަށްވުރެ ރަނގަޅަށް ފެނަކައިން އައިސްޕްލާންޓުތައް އޮޕަރޭޓް ކުރާނެ - ފައުޒީ
# މަސްވެރިން# ފެނަކަ ކޯޕަރޭޝަން# މިފްކޯ
viber_image_2022-09-22_13-50-01-789
މިފްކޯގެ ދަށުން ހިންގަމުން އައި އައިސްޕްލާންޓުތައް ފެނަކައާ ހަވާލުކުރުމުން، އެ ކުންފުންޏަށްވުރެ ރަނގަޅަށް ފެނަކައިން އެ އައިސްޕްލާންޓުތައް ހިންގާނެ ކަމަށް މިފްކޯގެ މެނޭޖިން ޑައިރެކްޓަރު، އިސްމާއިލް ފައުޒީ ވިދާޅުވެއްޖެ އެވެ.
އައިސްޕްލާންޓުތައް ފެނަކައާ ހަވާލުކުރުމަށް ބޭއްވި ރަސްމިއްޔާތުގައި ވާހަކަ ދައްކަވަމުން ފައުޒީ ވިދާޅުވީ، މިފްކޯގެ މަސައްކަތުގެ 70 ޕަސެންޓު މަސައްކަތަކީ ތެލުން ހިންގާ އޮޕަރޭޝަން ކަމަށްވުމާއެކު އައިސްޕްލާންޓުތައް ފެނަކައާ ހަވާލުކުރުމުން އެ ޚިދުމަތް އެންމެ އެކަށީގެންވާ ގޮތުގައި މަސްވެރިންނަށް ފޯރުކޮށްދެވޭނެ ކަމަށެވެ.
ތެލަށް މިއަންނަ ބަދަލާއެކު މިފްކޯއަށް ވަރަށް ބޮޑެތި ގޮންޖެހުންތަކެއް އެބަ ދިމާވޭ... ފެނަކަ އެމްޑީގެ ޓީމުން ޒަމާނީ އިންޖީނުގެތަކަށް މިގެންނަ ބަދަލުތަކާއެކު އަޅުގަނޑު ގަބޫލުރަނީ މިފްކޯއިން އައިސްޕްލާންޓުތައް ހިންގުމަށްވުރެ މާ ރަނގަޅަށް އެކަން ކުރާނެ. ސަބަބަކީ އަޅުގަނޑުމެންވެސް މިހާރު ޖަނެރޭޓަރު ހިންގައިން އައިސްޕްލާންޓުތައް އޮޕަރޭޓް ކުރަނީ. އެހެންމަ ފެނަކަ އިންޖީނުގެއާ ގުޅާލެވިއްޖެއްޔާ އަޅުގަނޑަށް ހީވަނީ މަސްވެރިންނަށްވެސް މިއަށްވުރެ ރަނގަޅު ޚިދުމަތެއް ނުހުއްޓި ދެވިގެންދާނެ ކަމަށް އަޅުގަނޑު ގަބޫލުރަނީ --- މިފްކޯގެ އެމްޑީ، އިސްމާއިލް ފައުޒީ
މިއަދު ފެނަކައާ ހަވާލުކުރީ މިފްކޯއިން ހިންގަމުން އައި 14 އައިސްޕްލާންޓެކެވެ. ފެނަކަ އާ ހަވާލުކުރިި ޕްލާންޓުތަކުގެ ތެރެއިން ބައެއް ޕްލާންޓުތައް މަރާމާތުކުރަން ޖެހިފައިވާއިރު، ދެ ރަށެއްގެ އައިސްޕްލާންޓު ހުރީ އޮޕަރޭޝަނަލް ހާލަތުގައެއް ނޫނެވެ. އެއީ ފ. ނިލަންދޫ އާއި ގއ. ދާންދޫ އައިސްޕްލާންޓެވެ.
ތަފްސީލް އަންނަނީ....
ފަހުގެ
