ޕާކިސްތާނުގެ މިސްކިތެއްގައި ބޮން ގޮއްވާލި މީހާ ހުރީ ފުލުހުންގެ ޔުނީފޯމް އަޅައިގެން!
ޝައުފާ އިސްމާއިލް
2/3/2023, 5:30:10 AM
im-712872
ޖާނުންފިދާވެގެން ޕާކިސްތާނުގެ މިސްކިތެއްގައި ބޮން ގޮއްވާލި މީހާ ހައި ސެކިއުރިޓީ މިސްކިތުގެ ކޮމްޕައުންޑަށް ވަދެފައިވަނީ ފުލުހެއްގެ ސިފައިގައި ކަމަށް ހުޅަނގު އުތުރު ޚައިބަރު ޕަޚްތޫންޚުވާ ޕްރޮވިންސްގެ ޕޮލިސް ޗީފް ވިދާޅުވެއްޖެ އެވެ.
ބުރާސްފަތި ދުވަހު އެ ޕްރޮވިންސްގެ ޕޮލިސް އިންސްޕެކްޓާ ޖެނެރަލް މުއައްޒާމް ޖާހް އަންސާރީ ބޭއްވި ނޫސްވެރިންގެ ބައްދަލުވުމެއްގައި ވިދާޅުވީ، ބޮން ގޮއްވާލި މީހާ މިސްކިތުގެ ވަށައިގެންވާ ކޮމްޕައުންޑަށް ސައިކަލެއްގައި ވަންނަ މަންޒަރު ސެކިއުރިޓީ ކެމެރާ ފުޓޭޖުން ފެންނަ ކަމަށެވެ.
އޭނާ ވިދާޅުވި ގޮތުގައި ހޯމަ ދުވަހު އެ ކޮމްޕައުންޑުގެ ދޮރުމަތީގައި ތިބި ފުލުހުން "ބޮން ގޮއްވާލި މީހާ ޗެކް ނުކުރެވުނީ އޭނާ އަކީ ފުލުހެއް ކަމަށް ހީވުމުން" ކަމަށެވެ.
"އަމިއްލައަށް މަރުވި މީހާ ދެނެގަނެވިއްޖެ... އޭނާ ހުރީ ފުލުހުންގެ ޔުނީފޯމުގައި، މާސްކާއި ހެލްމެޓް އަޅައިގެން،" އަންސާރީ ވިދާޅުވި އެވެ.
އޭނާ ވިދާޅުވީ ބޮން ގޮއްވާލި މީހާގެ ހަށިތައް ފޮރެންސިކް ތަހުލީލަށް ފޮނުވާފައިވާ ކަމަށެވެ.
ބޮން ގޮއްވާލި މީހާ އެ ތަނުގެ މައި ގޭޓަށް ވަދެ، މިސްކިތަށް ދިއުމަށް އިރުޝާދު ދިނުމަށް ފުލުހުންގެ އޮފިސަރުންގެ ކިބައިން އެދުނު އިރު، ބޮން ގޮއްވާލި ހާދިސާގައި 101 މީހުން މަރުވެފައިވެއެވެ. އޭގެ ތެރޭގައި ގިނައީ ފުލުހުންނެވެ. މިހަމަލާގައި އިތުރު 200 މީހުން ވެސް ވަނީ ޒަހަމްވެފަ އެވެ.