002
އެސްޓީއޯ މަކިޓާ އަދި ނިޕޯން ރަމަޟާން ބާޒާރު މިއަދު ފަށައިފި އެވެ.
މި ޕްރޮމޯޝަން ފައްޓަވައިދެއްވީ ޖެނެރަލް މެނޭޖަރ، އެނަރޖީ އެންޑް ކޮންސްޓްރަކްޝަން ސޮލިއުޝަންސް، މުހައްމަދު އީމާންއެވެ.
މިއަދުން ފެށިގެން އޭޕްރިލް 29 ވަނަ ދުވަހުގެ ނިޔަލަށް ކުރިއަށްދާ މަކިޓާ އަދި ނިޕޯން ރަމަޟާން ބާޒާރުގެ ކޮންމެ ބައެއްގައިވެސް ލަކީޑްރޯއެއް ކުރިއަށްދާނެ އެވެ.
މިގޮތުން އެސްޓީއޯ ޕީޕަލްސް ޗޮއިސްއިން ކުރައްވާ ކޮންމެ 500 ރުފިޔާގެ ވިޔަފާރިއަކަށް ކޫޕަނެއް، އެސްޓީއޯ މަކިޓާ ޝޯރޫމް އިން ކުރައްވާ ކޮންމެ 500 ރުފިޔާގެ ވިޔަފާރިއަކަށް ކޫޕަނެއް، އަދި ނިޕޯން ޝޯރޫމުން ކުރައްވާ ކޮންމެ 500 ރުފިޔާގެ ވިޔަފާރިއަކަށް ކޫޕަނެއް ލިބޭނެ ކަމަށް އެސްޓީއޯއިން މައުލޫމާތުދެއެވެ.
ކޮންމެ ބާޒާރަކުންވެސް އެއްވަނައަށް ހޮވޭ ފަރާތަކަށް ހުށަހަޅާފައިވަނީ އެސްޓީއޯ ޕީޕަލްސް ޗޮއިސް އިން 20،000 ރުފިޔާގެ އަގުހުރި މުދަލެވެ.
އެސްޓީއޯ ޕީޕަލްސް ޗޮއިސްގައި ރަމަޟާން ބާޒާރު ފަށާފައިވަނީ މިދިޔަ މަހުގެ 23 ވަނަ ދުވަހުއެވެ.