indian-idol-12-contestant-pawandeep-rajan-on-romance-rumours-with-arunita-kanjilal-001
އަންނަ މަހުގެ ކުރީކޮޅު ހުޅުމާލޭގައި ބާއްވާ ޓުއާނިވަލް ޝޯގައި އިންޑައިން އައިޑޮލް ކާމިޔާބުކުރި ޕަވަންދީޕް އާއި އެމުބާރާތުގެ ދެވަނަ ހޯދި އަރުނިތާ ޕާފޯމްކުރާގޮތަށް ހަމަޖެހިއްޖެ އެވެ.
މި ދެ ފަންނާނުން ޕާފޯމްކުރާ ޝޯ އޮންނާނީ އަންނަ މަހުގެ 3 ވަނަ ދުވަހުގެ ރޭ ހުޅުމާލޭގެ ސިންތެޓިކް ޓްރެކްގަ އެވެ. މި ޝޯއަށް ޓިކެޓުތަށް މިހާރު ބުކް ކުރެވޭނެ ކަމަށް ޓުއާނިވަލްއިން ވަނީ ބުނެފައެވެ.
ޓުއާނިވަލްއަކީ އިންޑިއާގެ ބެންގަލޫރަށް ނިސްބަތްވާ ޓީމަކުން އޭޝިޔާގެ ބައެއް ގައުމުތަކުގައި ބާއްވާ ސެލިބްރީޓިންގެ ކާނިވަލެކެވެ. މި ޓީމުގެ ހަރަކާތްތަށް އަވަށްޓެރި ސްރީލަންކާގައި ވެސް ކުރިޔަށް ގެންދިޔުމަށް ވަނީ ނިންމާފައެވެ.
މި ޓީމުން ރާއްޖޭގައި ކުރިޔަށް ގެންދިޔަ ފުރަތަމަ ހަރަކާތް މިދިޔަ މަހު މާލޭގައި ވަނީ ބާއްވާފައެވެ. އެގޮތުން އިންޑިއާގެ މަޝްހޫރު ސެލެބްރިޓީންނާއި ދިވެހި ފަންނާނުންގެ ޚާއްސަ ފުޓްބޯޅަ މެޗެއް ވަނީ ރާއްޖޭގައި ކުޅެފައެވެ.